ბათუმში მთელი ღამის განმავლობაში ხორციელდებოდა გზების თოვლის საფარისგან გაწმენდითი სამუშაოები. პრევენციის მიზნით, გაიწმინდა ზღვაში გამსვლელი არხები.
ბათუმის მერიის ინფორმაციით, შპს ,,სანდასუფთავების“ მობილური ჯგუფები ქალაქის მთელ ტერიტორიაზე სპეციალური ტექნიკით ახორციელებენ ქუჩებისა და ტროტუარების თოვლისგან გაწმენდას.
გამწვანების სამსახური დილიდან ახორციელებს დათოვლილი დეკორატიული ხე-მცენარეებისა და ბუჩქოვანი მცენარეების დაფერთხვის ღონისძიებებს. საჭიროების შემთხვევაში, სამუშაოები უწყვეტ რეჟიმში გაგრძელდება.
.
