შვეიცარიაში ბირთვული ელექტროსადგურების ექსპლუატაციის ვადის 45 წლით შეზღუდვის შესახებ რეფერენდუმი მიმდინარეობს.
თუ მოსახლეობის უმრავლესობა მხარს დაუჭერს მწვანეთა პარტიის ინიციატივას, მაშინ შვეიცარია უკვე 2029 წლიდან სრულად იტყვის უარს ბირთვულ ენერგეტიკაზე.
ასეთ შემთხვევაში შვეიცარიაში ამჟამად მოქმედი ხუთი ატომური ელექტროსადგურიდან სამი უკვე მომავალ წელს დაიხურება, კიდევ ერთი 2024 წელს, ხოლო ბოლო 2029 წელს.
ამჟამად ხუთ ელექტროსადგურზე ერთად მოდის ქვეყანაში გამომუშავებული ელექტროენერგიის 40 პროცენტამდე.
მწვანეთა პარტიის იდეის მოწინააღმდეგეები აცხადებენ, რომ შვეიცარიას არ შეუძლია ასე მალე გადასვლა ელექტროენერგიის განახლებად წყაროებზე და მას ელექტროენერგიის მეზობელი ქვეყნებისგან შეძენა მოუწევს.
მანამდე მთავრობამ 2050 წლამდე ქვეყანის ენერგეტიკის განვითარების გეგმა მიიღო, რომლის თანახმადაც გადაწყდა, რომ შვეიცარიაში ახალი ბირთვული ელექტროსადგურები აღარ აშენდება და ქვეყანა თანდათან ქარის და მზის ენერგიაზე, ასევე ბიოსაწვავზე გადავა.