კუბის ყოფილი ლიდერის ფიდელ კასტროს დაკრძალვის ცერემონია ცხრადღიანი გლოვის შემდეგ, 4 დეკემბერს გაიმართება. კრემაციის შემდეგ ფიდელ კასტროს ნეშტს კუბის ტერიტორიაზე მოატარებენ. ამის შემდეგ კი ქალაქ სანტიაგოში დაკრძალავენ, სადაც ის გაიზარდა.
ფიდელ კასტროს გარდაცვალებასთან დაკავშირებით ხელისუფლებამ 26 ნოემბრიდან 4 დეკემბრამდე გლოვა გამოაცხადა.
კუბის რევოლუციის ლიდერი ფიდელ კასტრო გუშინ, 90 წლის ასაკში გარდაიცვალა. ამის შესახებ მისმა ძმამ რაულ კასტრომ განაცხადა.
BBC-ის ინფორმაციით, „კუბის რევოლუციის ლიდერი დღეს, 22:29 საათზე გარდაიცვალა“, - განაცხადა პრეზიდენტმა რაულ კასტრომ.
ფიდელ კასტრო კუბის რესპუბლიკას თითქმის 50 წლის განმავლობაში, 2008 წლამდე ხელმძღვანელობდა.
მისი მხარდამჭერების თქმით, ფიდელ კასტრომ კუბა ხალხს უკან დაუბრუნა, თუმცა ამავე დროს, მას ოპოზიციის ჩახშობაში ადანაშაულებდნენ.
