ხმაური იყო ქუთაისში. კლინიკა „ბომონდში“ გარდაცვლილი 23 წლის ლანა მიქაბერიძის დედა ექიმთან შესახვედრად მივიდა, რასაც დაპირისპირება მოჰყვა. მთვარისა მიქაბერიძის შენობიდან გასაყვანად რამდენიმე საპატრულო ეკიპაჟი და დაცვის თანამშრომლების მობილიზება გახდა საჭირო. ვითარების განსამუხტად გარდაცვლილის ნათესავებთან განყოფილების უფროსი ოლეგ სინაურიძე მივიდა, თუმცა მისმა გამოჩენამ გარდაცვლილის ახლობლების მხრიდან გაღიზიანება გამოიწვია. სინაურიძის თქმით, გოგონას გარდაცვალებაში მამუკა მიქაძის ბრალეულობა არ იკვეთება და მას პრობლემები მანამდე ჰქონდა, სანამ საკეისრო კვეთას ჩაუტარებდნენ. რამდენიმე დღის წინ საკეისრო კვეთის შემდეგ 23 წლის გოგონა გარდაიცვალა. ოჯახი მომხდარში კლინიკას ადანაშაულებს.
