ვარკეთილში, ჯავახეთის ქუჩა # 7-ის მიმდებარე ტეროტორიაზე მომხდარი აფეთქების შედეგად ადამიანი დაშავდა, რომელიც ინგოროყვას კლინიკაშია გადაყვანილი. საგანგებო სიტუაციების მართვის სამსახურში აცხადებენ, რომ შემთხვევის შედეგად 45 წლამდე ასაკის მამაკაცია დაშავებული. აფეთქება 200 კვადრატულ მეტრამდე ტერიტორიაზე მოხდა, დაზიანდა ოთხი ავტოფარეხი და სამი ავტომობილი.
ავტოფარეხში აფეთქების მიზეზი სავარაუდოდ გაზის გაჟონვა გახდა. ზუსტი მიზეზი ჯერ უცნობია. შემთხვევის ადგილი ამ დროისათვის გადაკეტილია და საგამოძიებო მოქმედებები მიმდინარეობს.