ბათუმის მაჟორიტარი დეპუტატობის კანდიდატი მუხრან ვახტანგაძე და აჭარის უმაღლესი საბჭოს წევრობის კანდიდატი ნუგზარ სურმანიძე ამომრჩეველთან შეხვედრებს განაგრძობენ. კანდიდატები ბათუმის, დაბა შარაბიძეების ამომრჩეველთა 78-ე უბნის მოსახლეობას შეხვდნენ.
ადგილობრივმა მოსახლეობამ მაჟორიტარობის კანდიდატებს მათ რაონში არსებული პრობლემები გააცნეს, მუხრან ვახტანგაძემ და ნუგზარ სურმანიძემ ამომრჩეველს გამარჯვების შემთხვევაში აღნიშნული პრობლემების მოგვარებას დაპირდნენ. შეხვედრაზე კანდიდატებმა სამომავლო გეგმებზეც ისაუბრეს.
,,ყველაფერი უნდა გავაკეთოთ იმისათვის, რომ ახალგაზრდა თაობა ჩამოვაშოროთ ქუჩას, საშუალება მივცეთ მათ აქტიურად ჩაებან სპორტულ ცხოვრებაში და იცხოვრონ ჯანსაღი ცხოვრების წესით. სპორტი ქმნის ჯანმრთელ გენოფონდს, ჯანმრთელი ერი - ძლიერი სახელმწიფოა.’’ აღნიშნა მუხრან ვახტანგაძემ
