საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი კასპის მუნიციპალიტეტში ახალი საერთაშორისო სტანდარტების მქონე სპორტ-კომპლექსის რეაბილიტაცია-რეკონსტრუქციას ახორციელებს. პროექტი მსოფლიო ბანკმა დააფინანსა და მისი ღირებულება 2 469 049 23 ლარია.
უკვე დასრულებულია სასტუმროს შენობის, საჭიდაო შეჯიბრებისთვის წრიული დარბაზის, სავარჯიშო სპორტ-დარბაზისა და ფიტნეს დარბაზის რეაბილიტაცია. ამ ეტაპისთვის მიმდინარეობს საქვაბის, საპირფარეშოებისა და კალათბურთის დარბაზის ლესვითი სამუშაოები.
სპორტ-კომპლექსის სარეაბილიტაციო სამუშაოები 2015 წლის დასაწყისში დაიწყო და დასკვნით ფაზაშია. ობიექტზე სამშენებლო სამუშაოებს შპს „ბლოკ-ჯორჯია“ ასრულებს.
