საგარეო საქმეთა სამინისტროს ინფორმაციით, 2016 წლის შემოდგომიდან საქართველოში საქმიანობას დიდი ბრიტანეთისა და ჩრდილოეთ ირლანდიის გაერთიანებული სამეფოს ახალი ელჩი ჯასტინ მაკენზ სმიტი დაიწყებს.
„ჯასტინ მაკენზი სმიტი, საქართველოში დიდი ბრიტანეთის საგანგებო და სრულუფლებიან ელჩად დაინიშნა და ამ თანამდებობაზე ალექსანდრა ჰოლ ჰოლს შეცვლის.
ელჩს დიპლომატიური საქმიანობის მრავალწლიანი გამოცდილება აქვს. იგი 1994 წლიდან მოღვაწეობს გაერთიანებული სამეფოს საგარეო საქმეთა სამინისტროში სხვადასხვა პოზიციებზე, ასევე მსოფლიოს სხვადსხვა ქვეყნებში გაერთიანებული სამეფოს დიპლომატიურ მისიებში“, - აცხადებენ საგარეო საქმეთა სამინისტროში.
მათივე ცნობით, ჯასტინ მაკენზი სმიტს ჰყავს მეუღლე და ორი შვილი. საქართველოში საქმიანობის დაწყებამდე კი აქტიურად ეუფლება ქართული ენას.
