თბილისში, თავისუფლების მოედანზე, ნადეჟდა სავჩენკოს მხარდამჭერი აქცია მიმდინარეობს ადგილზე გაკეთებულია სპეციალური ბანერი, სადაც დატანილია სავჩენკოს ფოტოები და ასევე მოწოდება რუსეთის ფედერაციისადმი, რათა დაუყოვნებლივ მოხდეს უკრაინელი მფრინავის გათავისუფლება.
თავისუფლების მოედანზე ასევე არიან შეკრებილი პოლიტიკოსები, საპარლამენტო უმცირესობაში შემავალი ფრაქციების წარმომადგენლები.
ისინი სპეციალური დეკლარაციის ტექსტს ავრცელებენ, სადაც საუბარია, რომ უნდა მოხდეს სავჩენკოს გათავისუფლების საკითხის მხარდაჭერა, ისინი ასევე მოუწოდებენ პარლამენტის ყველა ფრაქციის თავმჯდომარეს, რომ ხელი მოაწერონ ამ დეკლარაციას, რომელიც ქართული მხარის მხარდაჭერას გამოხატავს. პარლამენტის პოზიცია კი გაიგზავნება საერთაშორისო თანამეგობრობაში
