,,ნაციონალური მოძრაობის“ წევრი აკაკი ბობოხიძე იუსტიციის მინისტრს სოფელი დიდ ჯიხაიშში, საზოგადოებრივი ცენტრის მშენებლობის დროს დასაქმებული მუშების ხელფასებით დაინტერესებისკენ მოუწოდებს. მისი ინფორმაციით, ხელფასები ამ დრომდე გაცემული არ არის.
,,არსებობს ასეთი სოფელი დიდი ჯიხაიში, სადაც უკვე დასრულდა საზოგადოებრივი სახლის მშენებლობა და მუშებს დღემდე არ აქვთ კუთვნილი ხელფასი მიღებული და იქნებ მთავრობა დაინტერესდეს ამ ამბით. ერთია, რომ ეკონომიკას ვერ ვუვლით და იქნებ ის მაინც მოახერხოს მთავრობამ, რომ დასაქმებულმა ადამიანებმა აიღონ თავისი კუთვნილი ანაზღაურება. მინდა გითხრათ, რომ ეს არის ორი-სამი ათასი ლარით დაგროვებული დავალიანება, რაც ნიშნავს იმას, რომ ამ ადამიანებს ერთი თეთრიც არ მიუღიათ და ამ ხალხის უკან დგას ბავშვები, ოჯახები, მუხუცი მშობლები და კეთილი ინებოს თეა წულუკიანმა და ამ საქმით დაინტერესდეს", - განაცხადა ბობოხიძემ პარლამენტის დღევანდელ პლენარულ სხდომაზე.
