ტყიბულში, მაღაროელების საპროტესტო აქცია გრძელდება. ისინი ხელფასის 40 %-ით მატებას, სამუშაო და უსაფრთხოების პირობების გაუმჯობესებას ითხოვენ.
ტყიბულში წუხანდელი დაძაბული ღამის შემდეგ სტაბილური ვითარებაა. თუმცა, მაღაროელები კომპრომისზე წასვლას არ აპირებენ.
მეშახტეების მხარდასაჭერად არასამთავრობო ორგანიზაციების ნაწილი დღეს თბილისში აქციას გამართავს. აქცია-მსვლელობა დელისის მეტროსთან დაიწყება და "საქართველოს ინდუსტრიული ჯგუფის" ცენტრალური ოფისთან დასრულდება.
მეშახტეები წუხელ ,,საქნახშირის” ადმინისტრაციის შენობაში შეიჭრნენ. ადმინისტრაციაში კი მომხდარი ფაქტი კერძო საკუთრების ხელყოფად შეაფასეს.
გაფიცული მეშახტეების საპროტესტო აქცია 13 დღეა გრძელდება.