მე-19 საუკუნის საქართველოს ფოტოები პარიზის აუქციონზე 2000 ევროდ გაიყიდა. ინფორმაციას საფრანგეთში მცხოვრები ისტორიკოსი და მკვლევარი ანა ჭეიშვილი ავრცელებს.
პარიზის ცნობილ სააუქციონო სახლში - "ოტელ დრუო", გაიმართა აუქციონი, სადაც წარმოდგენილი იყო 1899-1906 წლებში სამხრეთ კავკასიაში გადაღებული ფოტოები.
ფოტოების ავტორი უცნობია. უმეტესობას ახლავს ფანქრით შესრულებული მინაწერი. ფოტოების დიდი ნაწილი გადაღებულია ალავერდის სპილენძის მაღაროში (სომხეთი).192 ფოტოდან დაახლოებით 67 ფოტო გადაღებულია საქართველოში: ბათუმის პორტი - 10 ფოტო, ტფილისი - 22 ფოტო , ფოთის პორტი - 4 ფოტო.,სოხუმის სანაპიროსთან - 8 ფოტო, შავ ზღვაზე - 4 ფოტო, გორი - 2 ფოტო, სადახლო - 1 ფოტო, საქართველოს სამხედრო გზა - 16 ფოტო, (ყაზბეგი, დუშეთი, გუდაური, ანანური, მცხეთა...)
ფოტოები, რომლებიც აუქციონზე ერთ ლოტად იყო გატანილი, ონლაინმყიდველმა შეიძინა.