„მზის შვილები“ აცხადებს ლიტერატურულ კონკურსს - „ჩვენ მზის შვილები ვართ“. ლიტერატურული კონკურსის მიზანია საზოგადოებაში დაუნის სინდრომის მქონე ადამიანების შესახებ ცნობიერების ამაღლება.
კონკურსის პირობები: • კონკურსში მონაწილეობის მიღება შეუძლია ნებისმიერი ასაკის მოქალაქეს. • კონკურსი დაიყოფა სამ ასაკობრივ კატეგორიად (8-დან 16-წლამდე,17-დან 25-წლამდე, 26-წლიდან ზევით) • კონკურსი ჩატარდება ერთ ეტაპად; • კონკურსის მონაწილემ უნდა წარმოადგინოს ლექსი, თხზულება, ესე ან ნოველა, რომელიც ეძღვნება დაუნის სინდრომის მქონე პიროვნებას. • საკონკურსო თემა უნდა მოიცავდეს 150-დან 1200-მდე სიტყვას. • ნაწარმოების ბოლოს მითითებული უნდა იყოს ავტორის სახელი, გვარი და საკონტაქტო ინფორმაცია. • არასამთავრობო ორგანიზაცია „მზის შვილების“ მიერ მოწვეული კომპეტენტური ჟიური განიხილავს საკონკურსო ნაშრომებს და გამოავლენს თითო კატეგორიიდან თითო გამარჯვებულს. • გამარჯვებული და ასევე, ჟიურის მიერ შერჩეული საუკეთესო ნაშრომები გამოიცემა ბეჭდურ და ელექტრონულ მედიაში. • ჟიურის მიერ შერჩეული საუკეთესო ნაშრომის ავტორებს გადაეცემათ სიგელები. • სამი პირველი ადგილის მფლობელს გადაეცემა სიგელი და სამახსოვრო საჩუქარი. საკონკურსო მასალის წარმოდგენის წესები და ვადები: • კონკურსის ნაშრომები მიიღება 2016 წლის 4 მარტამდე; • კონკურსი გამარჯვებულებს გამოვლენს 15 მარტს. • დაჯილდოების ცერემონიალი შედგება 20 მარტს, თბილისის საკრებულოში. • ნაშრომი მოგვაწოდეთ ელექტრონულ მისამართზე mz.shvilebi@gmail.com ან თბილისი, ნაძალადევის რ-ნი, სააკაძის ქუჩა #73, სარეაბილიტაციო ცენტრი „მზის სივრცე“.
კონკურსი ჩატარდება ყოველწლიურად! კონკურსის საინფორმაციო მხარდამჭერები არიან: გაზეთი „ქართული სიტყვა“, გაზეთი "ვერსია" და სახალი ამბების სააგენტო GHN.
დამატებითი ინფორმაციისთვის შეგიძლიათ დაუკავშირდეთ: 5(99) 333 524.
