საქართველოში აშშ-ის ელჩის იან კელის განცხადებით, ძალიან მნიშვნელოვანია, რომ მედია სრულიად თავისუფალი და დამოუკიდებელი იყოს. თბილისის მოსწავლე-ახალგაზრდობის სასახლეში, საქართველოს დემოკრატიული რესპუბლიკის 1921 წლის კონსტიტუციის 95 წლისთავისადმი მიძღვნილ ღონისძიებაზე ელჩმა ხაზი გაუსვა, მედიის სრული დამოუკიდებლობა განსაკუთრებით მნიშვნელოვანია არჩევნების წელს.
მისივე თქმით, ის ყურადღებით აკვირდება "მაესტროს" ირგვლივ განვითარებულ მოვლენებს.
,,მიმდინარე მოვლენებს თვალ-ყურს ვადევნებთ. ჩვენთვის ძალიან მნიშვნელოვანია, რომ მედიასექტორი იყოს სრულიად თავისუფალი და დამოუკიდებელი. ეს განსაკუთრებით არჩევნების წელსაა მნიშვნელოვანი. ქართველ ხალხს სრული ინფორმაცია უნდა ჰქონდეს არჩევანის გასაკეთებლად, ამისთვის მედიაზე უნდა ჰქონდეთ წვდომა. ამ კონტექსტში, მაესტროს ირგვლივ განვითარებულ მოვლენებს ჩვენ თვალ-ყურს ვადევნებთ”, - განაცხადა იან კელიმ.