2 დღის წინ დაკარგული 17 წლის სამირა ბაირამოვას ოჯახის წევრები ამ წუთებში აქციას მართავენ. ისინი ყურადღების მისაქცევად ფონიჭალაში გზის გადაკეტვას აპირებენ და სამართალდამცველებს პასიურობაში ადანაშაულებენ, - იუწყება რუსთავი 2.
“პოლიციას ვაწვდით ინფორმაციას გოგოს ადგილმდებარეობის შესახებ. გვეუბნებიან, რომ ის ჩვენით უნდა მოვძებნოთ. რეაგირებას არ ახდენენ. სავარაუდოდ, გოგო ახლა მარნეულშია გატაცებული. ნუთუ არ შეიძლება საგამოძიებო ღონისძიებების ჩატარება?” – განაცხადა სამირა ბაირამოვას დედამ, ნაილა გურბანოვამ.
აქციის მონაწილეები აცხადებენ, რომ ისინი არ გაჩერდებიან მანამ, სანამ არ მოხდება გატაცებული არასრულწლოვანის სამძებრო სამუშაოების დაწყება.
