დედაქალაქში, პუშკინის ქუჩაზე გზის გაფართოების სამუშაოები მიმდინარებს. სამუშაოების მიმდინარეობა თბილისის მერმა დავით ნარმანიამ დაათვალიერა.
„მიმდინარე სამუსაოები ითვალისწინებს პუშკინის ქუჩაზე ესტაკადის მშენებლობას, საავტომობილო და საფეხმავლო გზის გაფართოებას და ქუჩაზე ორმხრივი მოძრაობის აღდგენას, რომელიც ქალაქში საცობების განტვირთვას შეუწყობს ხელს”, - განაცხადა დედაქალაქის მერმა.
ტერიტორიაზე რამდენიმე წლის წინ აღმოჩენილი ისტორიული ძეგლის დაზიანების თავიდან აცილების მიზნით, ძეგლი შეფუთულია სპეციალური მასალით. სამუშაოების დასრულების შემდეგ კი, ტერიტორია გაიწმინდება და ძეგლი კვლავ პირვანდელ სახეს დაიბრუნებს.
სარეაბილიტაციო სამუშაოებს კომპანია CRP აწარმოებს და ის მიმდინარე წლის ივლისში დასრულდება. პროექტისთვის დედაქალაქის ბიუჯეტიდან 3 მილიონ 950 ათასი ლარია გამოყოფილი.