თბილისში, ბარათაშვილის ხიდზე საგზაო მოძრაობა სრული დატვირთვით 15 მარტისთვის აღდგება. მიმდინარე სამუშაოები დღეს თბილისის მერმა დავით ნარმანიამ მოინახულა.
"ბარათაშვილის ხიდზე სრულად მოძრაობა 15 მარტისთვის აღდგება. ეს ჩვენი კატეგორიული და პრინციპული მოთხოვნაა ისევე, როგორც სამუშაოების ხარისხიანად შესრულება ყველა კომპანიასთან უმკაცრესი მოთხოვნაა," - განაცხადა დავით ნარმანიამ.
ბარათაშვილის ხიდსა და ფეხით მოსიარულეთა გადასასვლელებში მიმდინარე სარემონტო სამუშაოები დავით ნარმანიასთან ერთად ვიცე-მერმა, ლაშა აბაშიძემაც, დაათვალიერა.
ბარათაშვილის ხიდის რეაბილიტაციის სამუშაოებს კომპანია NCC აწარმოებს.