დედაქალაქის 35 საბავშვო ბაგა-ბაღში სპორტულ-გასართობი მოედნები გაკეთდება. პირველი ეტაპის მსგავსად, ამჯერადაც შეირჩა ის ბაღები, რომლებშიც სპორტულ-გასართობი მოედნები ან საერთოდ არ არსებობდა, ან საკმაოდ მოძველებული იყო.

მერიის ინფორმაციით, თბილისის ბაგა-ბაღების მართვის სააგენტოს მიერ გამოცხადებული ტენდერი, ბაღებში სპორტულ-გასართობი მოედნების მოწყობის სამუშაოების შესყიდვაზე, უკვე დასრულდა.

ეზოებში დაიდგმება საბავშვო ატრაქციონები (სასრიალო პლატფორმითა და გასაძრომებით), აიწონა-დაიწონა, ღერძის გარშემო მბრუნავი კონსტრუქცია. ბავშვების უსაფრთხოების მიზნით, მიწის გარკვეულ საფარზე დაიგება კაუჩუკის ფილები.

ეზოები მოეწყობა შემდეგ საბავშვო ბაღებში: №1, №9, №17,№22, №34, №36, №40,№ 41 №45 №51, №59 №63, №72, №80, №83, №92, №100, №109, №112, №117, №153, №155-№163, №167, №170, №181, №185, №192, №198, №205, ,,პირველი ლოგოპედიური, „ნასაგურალი“, „ტაბახმელა“, „ჩიორა“.

გასულ წელს სპორტულ-გასართობი მოედანი თბილისის 40 ბაღში მოეწყო. პროცესი თბილისის სხვადასხვა ბაღში ეტაპობრივად გაგრძელდება.