ნაძალადევის რაიონში, ბუგეულის ქუჩაზე გზის საფარის მოწესრიგების სამუშაოები მიმდინარეობს. დედაქალაქის მერიის ინფორმაციით, საგზაო სამუშაოების დაწყებამდე ბუგეულის ქუჩაზე გამგეობამ დაასრულა სანიაღვრე სისტემის კაპიტალური სამუშაოები. გამოიცვალა 400 დმ. 150 მეტრის სიგრძის მილი, დამონტაჟდა ჭები, ცხაურები და გვერდმიმღებები. საგზაო სამუშაოების ფარგლებში კაპიტალურად მოწესრიგდება სავალი ნაწილი და ტროტუარები.
“ნაძალადევის რაიონში მიმდინარეობს საგზაო სამუშაოები. ბუგეულის ქუჩის მოსახლეობა წლებია ელოდნენ სანიაღვრე-სადრენაჟე ქსელისა და საგზაო ინფრასტრუქტურის მოწესრიგებას, მინდა მათ მივულოცო, რომ ეს საქმე უკვე აქტიურ ფაზაშია და ადგილობრივი მოსახლეობა გაუმჯობესებულ გარემოში შეძლებს ცხოვრებას“- განაცხადა ნაძალადევის რაიონის გამგებელმა - ზაზა გაბუნიამ.