ირაკლი ალასანია თურქეთში მომხდარი ტერაქტის გამო,
"თავისუფალი დემოკრატების" სახელით, თურქეთის ხელისუფლებას, ხალხს და დაღუპულთა ოჯახებს სამძიმარს უცხადებს.
"ანკარაში მომხდარი აფეთქება თურქეთის ხელისუფლებამ უკვე შეაფასა, როგორც ტერორისტული აქტი. დაღუპული და დაჭრილია ათეულობით ადამიანი. "თავისუფალი დემოკრატების" სახელით მინდა მივუსამძიმრო დაღუპულთა ოჯახებს, თურქ ხალხს და თურქეთის ხელისუფლებას. ჩვენ ვგმობთ ტერორიზმს მისი ყველა გამოვლინებით. ეს კაცობრიობის წინაშე ჩადენილი კიდევ ერთი მძიმე დანაშაულია. ქართველი ხალხი, ცივილიზებულ სამყაროსთან ერთად, ყოველთვის იბრძოდა და იბრძოლებს თანამედროვეობის ამ უდიდესი საფრთხის წინააღმდეგ, ისევე როგორც ჩვენი სამხედროები საერთაშორისო მისიებში. კიდევ ერთხელ დიდი მწუხარებით ვუსამძიმრებ დაღუპულთა ოჯახებს და თურქ ხალხს", - აცხადებს ალასანია.
თურქეთში, გუშინ განხორციელებულ ტერაქტს, ბოლო მონაცემებით, 28 ადამიანი ემსხვერპლა, დაშავებულია 61.
