სამგორის რაიონის გამგებელმა მამუკა ჩოქურმა ვარკეთილი 3-ში, მე-4 კვტ. მე-2 რიგის, მე-5 კორპუსის მიმდებარედ არსებული სპორტული მოედნის სარეაბილიტაციო სამუშაოები დაათვალიერა და ადგილობრივ მოსახლეობას შეხვდა.
სარეაბილიტაციო სამუშაოების ფარგლებში, გამოიცვლება ხელოვნური მწვანე საფარი, განახლდება მოედნის კარები და საკალათბურთო ფარები, არსებული ლითონის კონსტრუქცია შეიცვლება ახალი, თანამედროვე კონსტრუქციით.
„ადგილობრივი მოსახლეობისთვის, განსაკუთრებით ახალგაზრდებისთვის, ძალიან მნიშვნელოვანია სპორტული მოედნების რეაბილიტაცია, კეთილმოწყობილი ინფრასტრუქტურა, რომელიც ხელს შეუწყობს ახალგაზრდებში ჯანსაღი ცხოვრების წესის დანერგვას. სწორედ ამიტომ, სამგორის რაიონის გამგეობა მიმდინარე წელსაც აქტიურად გააგრძელებს სათამაშო მოედნების განახლებასა და ახალი სტადიონების მოწყობას"- განაცხადა მამუკა ჩოქურმა.
სამუშაოებს შპს „ინტერტექნოლოგი“ ასრულებს და პროექტის ღირებულება შეადგენს 13105.72 ლარს.