გერმანიაში ქალაქ ბილეფელდთან ახლოს მდებარე თავშესაფარში 70-მდე ქართველი დეპორტაციის მოლოდინშია, მათ შორის არიან ბავშვებიც, რომელთაგაც ერთ-ერთი 2 თვის ჩვილია. ,,რუსთავი 2“ -ის ინფორმაციით, ერთ-ერთი მათგანი აცხადებს, რომ ადგილზე იმყოფებიან ადამიანები, რომლებსაც დევნილის თავშესაფარზე ქვეყანამ უარი უთხრა. რესპონდენტის ინფორმაციით, ისინი სხვადასხვა დროს მიიყვანეს სპეციალურ თავშესაფარში და მოსთხოვეს 1 კვირის განმავლობაში დაეტოვებინათ გერმანია.
ქართველები განმარტავენ, რომ მათ უკან წამოსასვლელი ფული არ აქვთ და ითხოვენ ვითარებაში გარკვევას რატომ ეთქვათ უარი გერმანიაში დარჩენაზე. მათი თქმით, დევნილის სტატუსის მინიჭება ქართველებისთვის, თებერვლის შემდეგ განსაკუთრებულად გამკაცრებულია.
