,,მაესტროს“ მოქმედმა გენერალურმა დირექტორმა საჯარო რეესტრს კიდევ ერთი განცხადებით მიმართა. გადაბაძე სამართლებრივი დავის დასრულებამდე, მხარედ დარეგისტრირებას ითხოვს.მისი თქმით, სურს საქმის კურსში იყოს ყველა გადაწყვეტილების შესახებ.
გადაბაძემ ასევე განმარტა, თუ რა შემთხვევაშია შესაძლო ,,მაესტრომ“ ფუნქცინირება შეწყვიტოს.
"ჩემი დარეგისტრირება მხარედ არის საჭირო იმიტომ, რომ თუკი გაჩეჩილაძეების მხრიდან შემოვა ნებისმიერი განცხადება თუ საჩივარი, მაცნობონ. რაც უფრო გაიწელება დროში პროცესი, მით უფრო გაჭირდება ,,მაესტროს“ ფუნქციონირება და საბოლოო ჯამში შეიძლება მივიდეს ჩამოშლამდე იმიტომ, რომ ყველა კრედიტორს, არა მაკას, ვაზუსტებ, საერთაშორისო კრედიტორს, როდესაც გაქვს ვალი, აქვს უფლება დამიყადაღოს ანგარიშები. ანგარიშების დაყადაღება კი ნიშნავს იმას, რომ ნებსით თუ უნებლიეთ ტელევიზია შეწყვეტს ფუნქციონირებას“, - განაცხადა ბაია გადაბაძემ.
დღესვე არხის მოქმედი გენერალური დირექტორი ტელეკომპანიაში მიმდინარე პროცესების შესახებ ინფორმაციას საქართველოში ევროკავშირის ელჩს მიაწვდის.
