პრეზიდენტის ადმინისტრაციაში სასამართლო სისტემაში მიმდინარე პროცესების განხილვა იგეგმება. ,,რუსთავი 2“-ის ინფორმაციით, ავლაბრის სასახლეში არასამთავრობოთა კოალიციის წევრებს ელოდებიან.
გაერთიანება "დამოუკიდებელი და გამჭვირვალე მართლმსაჯულებისთვის" გიორგი მარგველაშვილის მრჩევლებთან იმ გარემოებებზე გეგმავენ საუბარს, რასაც მამუკა ახვლედიანზე ზეწოლად აფასებენ.
მესამე სექტორი პრეზიდენტის ადმინისტრაციას გააცნობს იმ არგუმენტებს, რის საფუძველზეც საკონსტიტუციო სასამართლოსგან მოსამართლეების დანიშვნის წესის შეჩერება მოითხოვეს. საუბარი შეეხება უმაღლესი საბჭოს რეფორმირების საკითხსაც.
შეგახსენებთ, მამუკა ახვლედიანმა გუშინ დოკუმენტი გაასაჯაროვა, რომლის მიხედვითაც თბილისის საქალაქო სასამართლოს თავმჯდომარის თქმით, მის წინააღმდეგ იუსტიციის უმაღლესი საბჭოს მიერ დისციპილინური დევნა დასტურდება.