ქსნის მინის ტარის ქარხნის 200 მდე მუშა მეხუთე დღეა გაფიცულია. საქართველოს პროფესიული კავშირების გაერთიანების ინფორმაციით, აქციის მონაწილეების ნაწილმა ღამე კვლავ ქარხანასთან გაშლილ კარავში გაათენა.
,,ადმინისტრაცია დათმობაზე წასვლას არ აპირებს, გაფიცულები კი სამუშო პროცესს მოთხოვნების დაკმაყოფილებამდე არ განაახლებენ. დღეს მინის ტარის ქარხნის გაფიცულ მუშებს მედიკამენტებს მედიკოსთა პროფკავშირის წევრები ჩაუტანენ. 13:30 ზე კი აქციის მონაწილეებს გაერთიანების ქალთა ორგანიზაციის წარმომადგენლები შეხვდებიან და აქციაში მიიღებენ მონაწილეობას.
სს ,,მინა“-ს დასაქმებულთა საგაფიცვო მოთხოვნებია: ხელფასის მატება 30%-ით, პროფკავშირთან კოლექტიური ხელშეკრულების გაფორმება ადგილობრივი პირველადი პროფკავშირისთვის საოფისე ფართის გამოყოფა. გაფიცულებს ამ დრომდე არ შეხვედრიან ქარხნის ადმინისტრაციის წარმომადგენლები”, - აცხადებენ საქართველოს პროფესიული კავშირების გაერთიანებაში.
