პარლამენტი რადიოსა და ტელევიზიაში რეკლამის ხმის დარეგულირებას გეგმავს. ამასთან დაკავშირებით დღეს პარლამენტში ფრაქცია „ქართული ოცნების“ მიერ მომზადებული კანონპროექტი დარეგისტრირდა. ცვლილება „რეკლამის შესახებ“ კანონში შედის.
კანონპროექტის მიხედვით, რადიო და ტელემაუწყებლობაში რეკლამის ხმის დონე მაუწყებლობის ხმის დონესთან უნდა გათანაბრდეს.
ამის მიზეზად კი ის სახელდება, რომ დღეს რეკლამა გაცილებით მაღალი ხმით გადის ეთერში. ვიდრე სხვა სხვა პროგრამები და ეს არღვევს მაყურებლის უფლებას, რადგან მათ ხმა გადაცემის დროს სასურველ ტონალობაზე აქვთ დაყენებული.
„მომხმარებლის სურვილისამებრ შერჩეული ხმის სიმძლავრე რადიო და ტელემაუწყებლის ეთერში იცვლება მისი ნების საწინააღმდეგოდ რეკლამის მსვლელობისას. აღნიშნული გათვლილია მომხმარებლის ყურადღების მისაქცევად, თუმცა რეკლამის ხმის სიმძლავრის (დონის) ცვლილება მომხმარებლის ნების გარეშე, ქმნის დისკომფორტს და აღიზიანებს მას ფსიქო-ემოციური მდგომარეობის თვალსაზრისით,” - ნათქვამია კანონპროექტის განმარტებით ბარათში.
