ვაკის რაიონის გამგებელი ნოდარ ტურძელაძე, მოადგილე და გამგეობის თანამშრომლები „ბინათმესაკუთრეთა ამხანაგობების განვითარების ხელშეწყობის პროგრამის‘‘ ფარგლებში რაიონში მიმდინარე სამუშაოებს გაეცნენ.

გამგებელი ადგილზე გაეცნო წყალ-საკანალიზაციო სისტემების სარეაბილიტაციო სამუშაოებს. ამ ეტაპზე ინტენსიური მუშაობა მიმდინარეობს შემდეგ მისამართებზე:  ვაჟა-ფშაველას II კვარტალი, 26 კორპუსი; ვაჟა-ფშაველას #51, I კვარტალი, IVკორპუსი; მოსაშვილის #8.  ასევე, „ბინათმესაკუთრეთა ამხანაგობების განვითარების ხელშეწყობის პროგრამის‘‘ ფარგლებში, რეაბილიტაცია უტარდება ნუცუბიძის I მ/რ-ის 12 კორპუსის სახურავს.

ნოდარ ტურძელაძე ამხანაგობის თავმჯდომარეებს და წევრებს შეხვდა. ადგილობრივი მოსახლეობის თხოვნით, ნუცუბიძის IV მ/რ-ის  მე-10 და მე-11 კორპუსებს შორის დამაკავშირებელი საფეხმავლო კიბე მოეწყობა. მოსახლეობის თხოვნის საფუძველზე დაიგეგმა ასევე ნუცუბიძის I მ/რ-ის მრავალსართულიანი კორპუსის უკანა მხარეს საყრდენი კედლის მოწყობა. 12 კორპუსის მცხოვრებლების თქმით, ფერდობი დროდადრო იშლება, რაც კორპუსს საფრთხეს უქმნის. ამავე მისამართზე 10ბ კორპუსთან მისასვლელი 5000კვ² საავტომობილო გზის შეკეთება დაიწყება.