ტელეკომპანია "მაესტროს" ერთ-ერთი დამფუძნებლის ილია კიკაბიძის ინფორმაციით, მის მფლობელობაში არსებულმა "მაესტრო 24"-მა დღეიდან, "TV 11"-ის სიხშირეზე დაიწყო ფუნქციონირება. მისი თქმით, იგი სრულიად დამოუკიდებელია ,,მაესტროსგან“.
"მე ვარ დამოუკიდებელი კომპანია, მაქვს ავტორიზაცია, ვიყავი მარეგულირებელ კომისიაში და შევატყობინე, რომ ვიწყებ ტრანსლირებას და ეს არის საცდელი მაუწყებლობა. ამ წუთებში ოდნავ შეზღუდულია მაუწყებლობა დაფარვის კუთხით, "მაესტრო 24" არის აბსოლუტურად სხვა არხი და მასში მუშაობას შევთავაზებ ვისაც ექნება სურვილი და ვისაც ჩავთვლი საჭიროდ. მაუწყებლობა დავიწყე დღეიდან. ქალბატონ ბაია გადაბაძესთან მაქვს მოლაპარაკებები და შეიძლება აქვე ვიქირავო კუთხე ან სხვა შენობაში", - განაცხადა კიკაბიძემ.
რაც შეეხება ბაია გადაბაძეს, იგი აცხადებს, რომ ჯერ არ იცის გადავა თუ არა ,,მაესტრო 24“ - ზე,
"მაესტრო 24"-ის მაუწყებლობის გადაწყვეტილება მიიღო იმ ხალხმა, ვისაც არ უნდოდა "მაესტროდან" წავსულიყავი , - განაცხადა გადაბაძემ და დასძინა, რომ ჯერჯერობით მუშავდება სამოქმედო გეგმა.
