პროექტი „ახალი ტფილისის“ ფარგლებში მშრალი ხიდის მიმდებარე ტერიტორიის კეთილმოწყობა იგეგმება, - ამის შესახებ დედაქალაქის მერმა დავით ნარმანიამ პროექტის „ახალი ტფილისი“ პრეზენტაციაზე განაცხადა.
დედაქალაქის მერის განცხადებით, კეთილმოეწყობა 9 მარტისა და დედა ენის სახელობის ბაღები და მიმდებარე ტერიტორია; აღნიშნულ ბაღებს შორის მოეწყობა მიწისქვეშა საფეხმავლო გადასასვლელი - გალერეა; მოეწყობა სავაჭრო დახლები, ტერასა და მოწესრიგდება სავაჭრო საფეხმავლო ზონა.
