პროექტი „ახალი ტფილისი!“ უნიკალურია თავისი შინაარსით, მოცულობითა და იმ სარგებლით, რომელსაც მისი განხორციელებით თბილისი, თბილისელები და დედაქალაქის თითოეული სტუმარი მიიღებს. - ამის შესახებ დედაქალაქის მერმა დავით ნარმანიამ პროექტის „ახალი ტფილისი!“ პრეზენტაციაზე განაცხადა.
მისი თქმით, პროექტი „ახალი ტფილისი“ მოიცავს თბილისის ძველი უბნების რეაბილიტაცია-რეკონსტრუქციას.
„ახალი ტფილისი“ ნიშნავს ქალაქში ახალი მასშტაბური საზოგადოებრივ - რეკრეაციული სივრცეების გაჩენას, ახალი ტურისტული მოედნების-გალერეების მოწყობას, ისტორიული უბნების არქიტექტურული იერსახის შენარჩუნებასა და განვითარებას“, - განაცხადა დედაქალაქის მერმა.