"მაესტროს" გენერალური დირექტორი ლევან გაჩეჩილაძე აცხადებს, რომ მისი მთავარი ლოზუნგია გადმორთოს ადამიანები "რუსთავი2"-დან. მისივე თქმით, მან ბაია გადაბაძეს არხზე დარჩენა შესთავაზა.
"მე მჭირება ძალიან ბევრი ინფორმაცია და ბაიასთან ერთად მინდოდა დამეგეგმა ყველა მომავალი ნაბიჯი და იქ გამოჩნდებოდა ვინ, სად, როგორ და რაინაირად არის მოწადინებული მუშაობაზე. მე ჩემი პრიციპების გადახვევას არ ვაპირებ - თავისუფლება უპირველეს ყოვლისა. მთავარი ლოზუნგია გადმოვრთოთ ადამიანები "რუსთავი2"-დან. "რუსთავი2"-ის რეიტინგს მინდა ვაჯობო", - განაცხადა ლევან გაჩეჩილაძემ.
რაც შეეხება დაგეგმილ ცვლილებებს, იგი აცხადებს, რომ ჯერ არხის მდგომარეობას დეტალურად შეისწავლის.
"სანამ კომპანიას არ შევისწავლი ყველა მიმართულებით, ფინანსური დამოუკიდებლობის, ინტელექტუალური მიმართულებით არანაირ ცვლილებას არ ვაპირებ. მერე, ერთბაშად დავდებ ჩემი მოქმედებების გეგმას. ამისთვის მჭირდება გარკვეული დრო. არ ვარ ინფორმირებული კონკრეტულად რა მძიმე პროცესები მიდის "მაესტროს" შიგნით. ინფორმირებული ვარ, მხოლოდ ზოგადად, რომ მძიმე პროცესები მიდის ხელფასებთან დაკავშირებით და ასე შემდეგ. არავის გაშვებას არ ვაპირებ - ინტელექტუალური აზროვნების გამოყენებისკენ ვარ მოწოდებული", - დასძინა გაჩეჩილაძემ.
