მაესტროს გენერალური დირექტორი ბაია გადაბაძე თანამდებობას ტოვებს. როგორც მან ტელეკომპანიაში გამართულ პრესკონფერენციაზე განაცხადა, არ აპირებს მუშაობას პარტნიორების ახალი კონფიგურაციის პირობებში, ვინაიდან არხის დამოუკიდებლობას საფრთხე ემუქრება.
“ტელეკომპანია მაესტროს მეწილეეების ნაწილი, რომლებიც წლების განმავლობაში იყვნენ ჩვენი სარედაქციო დამოუკიდებლობის გარანტორები, დღეს აღმოჩნდნენ უმცირესობაში, ეს ვითარება გამოიწვია პარტნიორების ერთი ნაწილის მიერ წილების გასხვისებამ, რომლის რეალური მყიდველი გახდა ტელეკომპანია "იმედის" არაოფიციალური მმართველი ირაკლი რუხაძე. რამდენიმე მილიონად გაიყიდა გაკოტრებული კომპანიის წილი, რაც ბუნებრივია არანაირ ბიზნესლოგიკაში არ ჯდება. ერთადერთი მიზმიდველობა, რაც შეიძლება ჰქონდეს მაესტროს, ეს არის მისი პოლიტიკური მიმზიდველობა. განვითარებული პროცესების შედეგი შეიძლება იყოს არხის სარედაქციო დამოუკიდებლობის დაკარგვა, რის გამოც მე არ ვაპირებ ტელეკომპანია მაესტროში მუშაობას, ამ პარტნიორების ახალი კონფიგურაციის პირობებში. მე ველდოები პარტნიორების საბოლოო გადაწყვეტილებას და მანამდე ვასრულებ ჩემს უფლება-მოვალეობას“, - აღნიშნა მაესტროს გენერალურმა დირექტორმა ბაია გადაბაძე.
