თბილისის მერიის კეთილმოწყობის საქალაქო სამსახურის უფროსმა გივი კუბლაშვილმა ისნის რაიონის გამგებელ ვახტანგ ქიზიყურაშვილთან ერთად, რაიონში მიმდინარე საგზაო სამუშაოები დაათვალიერა.
ინფრასტრუქტურული პროექტის ფარგლებში 2015 წლის ბოლოს საექიმოს გასასვლელი N2-ში გამოიცვალა მიწისქვეშა კომუნიკაციები, ამჟამად მიმდინარეობს შიდა კვარტალური გზის მომზადება ასფალტის ახალი ფენის დასაგებად.
საგზაო სამუშაოებს ტენდერში გამარჯვებული კომპანია „არსაკიძე 2 000“ ასრულებს. ისნის რაიონის გამგეობის ბიუჯეტიდან პროექტზე 23 000 ლარი დაიხარჯება.
სარეაბილიტაციო სამუშაოები 10 თებერვალს დასრულდება.