სააგენტო ”ჯი-ეიჩ-ენის” ინფორმაციით, ტელეკომპანია „მაესტრო“ კომპანია „ჯორჯიან მედია გრუპმა“ იყიდა, რომელიც ტელეკომპანია „იმედის“ მფლობელია.
ამ ინფორმაციას ტელეკომპანიებში ჯერჯერობით ოფიციალურად არ ადასტურებენ. თუმცა, როგორც ინფორმირებული წყარო ამბობს, მოლაპრაკებები უკვე დასრულებულია, შეთანხმებას მიაღწიეს და ამის შესახებ განცხადებას რამდენიმე დღეში გააკეთებენ.
სხვა დეტალები, „მაესტროს“ წილის რამდენი პროცენტი იყიდა და რა ფორმით განხორციელდება მართვა, ჯერჯერობით უცნობია.
ცნობისთვის, კომპანია „ჯორჯიან მედია გრუპი“, რომლის 100%-იანი წილის მფლობელი ბადრი პატარკაციშვილი მეუღლე ინა გუდავაძეა, ტელეკომპანია „იმედის” 100%–იან წილს ფლობს.
ტელეკომპანია „მაესტროს“ წილების ფლობაზე კი დავა აქვთ მაკა ასათიანსა და მისი მეუღლეს კოტე გოგელიას და გიორგი გაჩეჩილაძეს.