"თავისუფალი დემოკრატები" პროექტ "მოქალაქის ხმის" მეორე ფაზის ფარგლებში, რკინიგზის სადგურის მიმდებარე ტერიტორიაზე მოქალაქეებს შეხვდნენ და თბილისის ეკოლოგიურ პრობლემებსა და ქალაქის სანიტარულ მდგომარეობაზე ისაუბრეს.
"ჩვენ ვაპირებთ საქართველოს პარლამენტს შევთავაზოთ ან არსებულ კანონმდებლობაში ცვლილებები ან მივიღოთ ახალი კანონი "თბილისის რეკრიაციული ზონების შესახებ". საჭიროა შეწყდეს მწვანე ნარგავებით დაფარული ტერიტორიების პრივატიზება. ასევე ჩვენი მოთხოვნაა, რომ მოხდეს დიდი ლილოს ნაგავსაყრელის კონსერვაცია და დაინერგოს ნაგვის გადამუშავების უახლესი ტექნოლოგიები, რაც ითვალისწინებს ნაგვის გადამამუშავებელი ქარხნის მშენებლობას", - განაცხადა გია ცაგარეიშვილმა.