19-20 იანვარს ამინდი გაურესდება. გავრცელებას იწყებს ხმელთაშუა ზღვის ციკლონთან დაკავშირებული შედარებით ცივი და ნოტიო ჰაერის მასები.
გარემოს ეროვნული სააგენტოს ინფორმაციით, მოსალოდნელია წვიმა, მთაში თოვლი, ზოგან ძლიერი. მაღალმთიან რაიონებში ზოგან ქარბუქი. იქროლებს დასავლეთის ძლიერი ქარი.
ჰაერის ტემპერატურა 19 იანვარს იქნება +9, +14 გრადუსის ფარგლებში, ხოლო 20 იანვარს ტემპერატურა დაიკლებს +3, +8 გრადუსამდე.
21 იანვარს გამოიდარებს. 22-24 იანვარს კვლავ მოსალოდნელია შედარებით ცივი, ნალექიანი და ქარიანი ამინდი.