14 იანვარს, თბილისის ისტორიის მუზეუმ „ქარვასლაში“ გაიმართება თბილისის მერიის ფოტო-კონკურს „ახალი წელი თბილისში“ გამარჯვებულების დაჯილდოების ცერემონია. ფოტო-კონკურსი თბილისის მერიამ 25 დეკემბერს გამოაცხადა და 7 იანვრამდე გაგრძელდა.
კონკურსანტების ნამუშევრები ცნობილმა ქართველმა ფოტოგრაფებმა ბესო გულაშვილმა, მარი ნაკანმა და გურამ წიბახაშვილმა შეაფასეს. კომპეტენტურმა ჟიურიმ 3 საუკეთესო ნამუშევარი გამოავლინა, რომლებიც სხვა საკონკურსო ნამუშევრებთან ერთად „ქარვასლაში“ ხვალ გამოიფინება.
ფოტო-კონკურსის გამარჯვებულთა დაჯილდოების ცერემონიას თბილისის მერი, დედაქალაქის მთავრობის წევრები და კონკურსის მონაწილეები დაესწრებიან.
