ანტონ ვან დეიკის ტილოსთან დაკავშირებით მალხაზ მახარაძე, რომელიც შუამავალი იყო ნახატის ყოფილ და მის შემდგომ მფლობელებს შორის, კულტურის სამინისტროში მივიდა. მან ,,კურიერთან“ განაცხადა, რომ აპირებს მოითხოვოს დოკუმენტები, რომელიც ადასტურებს, რომ 2010 წელს მან და ზაჰირ ჰუსეინოვმა მიმართეს კულტურის სამინისტროს ნახატის წარმომავლობის დასადგენად, რის შემდეგაც ტილო ლეგალურად გაიტანეს ქვეყნიდან.
ზაჰირ ჰუსეინოვი და მალხაზ მახარაძე ასევე, აპირებენ შესაბამისი დოკუმენტაცია ამოიღონ საბაჟოდან, ტილოს ლეგალურად გატანასთან დაკავშირებით.
რაც შეეხება კულტურის სამინიტროს, მათი მხრიდან კომენტარი, მას შემდეგ, რაც არქივის მასალებს ნახავენ და სავარაუდოდ ეს დღესვე მოხდება.
უწყების წარმომადგენელმა ,,კურიერთან” განმარტა, რომ საჭიროა დოკუმენტაციის გადამოწმება და დადგენა, იყო თუ არა, ნებართვა ტილოს საზღვარგარეთ გასატანად, სამინისტროსგან გაცემული.
თურქული მედიის ცნობით 14 მილიონ დოლარად შეფასებულ ნახატს 2 მამაკაცი ყიდდა. თურქი სამართალდამცველები არ გამორიცხავენ, რომ ის სტამბულში საქართველოდან შეიტანეს. საქართველოში კი ამ ეტაპზე გამოძიება არ დაწყებულა.