10 იანვარს, თბილისის საჯარო ბაგა-ბაღების თანამშრომელთა შესარჩევ კონკურსში მონაწილეთათვის ტესტირება ჩატარდება. შეფასებისა და გამოცდების ეროვნული ცენტრის ინფორმაციით, ტესტირებას თბილისის ბაგა-ბაღების მართვის სააგენტოს მიერ გამოცხადებული კონკურსის ფარგლებში ჩატარდება.
"რეგისტრაცია 09:00 საათზე ერთდროულად სამ საგამოცდო ცენტრში დაიწყება. ყველა საგამოცდო სექტორში დამონტაჟებულია ვიდეოთვალი. გამოცდის ხანგრძლივობა სამი საათია.
თბილისის საჯარო ბაგა-ბაღების შესარჩევი კონკურსისათვის 1500-ზე მეტი აპლიკანტი დარეგისტრირდა. მონაწილეებს მოკლე ტექსტური შეტყობინება დაეგზავნათ, რომელშიც მითითებული იყო ტესტირების ადგილი, თარიღი და რეგისტრაციის დაწყების დრო.
ტესტირება ერთ სესიად ტარდება და ორი ნაწილისაგან - ზოგადი უნარებისა და პროფესიული უნარების დავალებებისაგან შედგება", - აცხადებს გამოცდების ეროვნული ცენტრი.