სახელმწიფო უსაფრთხოების სამსახურს იარაღის ჯილდოდ გადაცემის უფლება მიენიჭება. ამის შესახებ „სამოქალაქო ან სამსახურებრივ-საშტატო იარაღის ჯილდოდ გადაცემის წესის დამტკიცების შესახებ“ მთავრობის დადგენილებაში ცვლილება შედის.
მთავრობის დღევანდელი სხდომის დასრულების შემდეგ, შსს მინისტრმა, გიორგი მღებრიშვილმა განმარტა, რომ ,,მთავრობის დადგენილებით, განსაზღვრული იყო ის უწყებები, რომელთა ხელმძღვანელებსაც აქვთ უფლება, ჯილდოდ იარაღის გადაცემისა. ცვლილებებით, ამ ნუსხას დაემატა კიდევ ერთი, სახელმწიფო უსაფრთხოების სამსახური”.
შეგახსენებთ, აღნიშნული უფლებით, ამ დრომდე, სარგებლობდა თავდაცვის სამინისტროს, შინაგან საქმეთა სამინისტროს, სახელმწიფო დაზვერვის სამსახურისა და სახელმწიფო დაცვის სპეციალურ სამსახურის ხელმძღვანელობა.