ქუთაისში, მცირეწლოვანი ბავშვი ჩამონგრეული ბეტონის კონსტრუქციის ქვეშ მოყვა და გარდაიცვალა. კურიერის ცნობით, შემთხვევა გამსახურდიას ქუჩაზე მოხდა. 8 სართულიანი კორპუსიდან ჩამონგრეული კონსტრუქცია 3 წლის ბავშვს დაეცა და ის ადგილზე გარდაიცვალა. თვითმხილველების განცხადებით გარდაცვლილი გოგონას მშობლები დაშავებულები არიან და ისინი საავადმყოფოში არიან გადაყვანილი.
შემთხვევის ადგილზე დაწყებულია საგამოძიებო მოქმედებების წარმოება. ადგილზე იმყოფებიან სამართალდამცველები.