თბილისის მუნიციპალიტეტის საკრებულოს თავმჯდომარე გიორგი ალიბეგაშვილი, თავმჯდომარის პირველი მოადგილე გიორგი ტყემალაძე და მოადგილე მალხაზ მჭედლიშვილი ,,ემალატა ინვესტ გრუფის’’ დამფუძნებელს და გენერალურ დირექტორს მეისონ ჯასიმს შეხვდნენ, რომელიც 15 წლის მანძილზე გაერთიანებულ საემიროებში-დუბაიში და ერაყის რესპუბლიკაში, ქურთისთანის ქალაქ ერბილში მოღვაწეობს.
აღნიშნული ორგანიზაციის საქმიანობაში აუტიზმით და თანდაყოლილი დეფექტით დაავადებილ ბავშვთა რეაბილიტაცია და მკურნალობა შედის და ამ მიმართულებით დახმარება უკვე 4700-ზე მეტ ბავშვს გაეწია.
მეისონ ჯასიმსი საქართველოში ანალოგიური ცენტრის დაფუძნებას გეგმავს, რაც აუტიზმით და თანდაყოლილი დეფექტით დაავადებილ ბავშვთა სარეაბილიტაციო ცენტრის მშენებლობას გულისხმობს.
მეისონ ჯასიმმა მასპინძლებს პროექტის თაობაზე დეტალური ინფორმაცია მიაწოდა და განაცხადა, რომ მისი განხორციელების მიზნით, რამდენიმე ქვეყნიდან არჩევანი სწორედ საქართველოზე გაკეთდა.
გიორგი ალიბეგაშვილმა სტუმარს მადლობა გადაუხადა, პროექტის მნიშვნელობაზე ისაუბრა და კანონისა და კომპეტენციის ფარგლებში, დახმარებას დაჰპირდა.
აღნიშნული ცენტრი ერთდროულად 5000 ბავშვს მოესახურება, საიდანაც 3400 ცენტრში მუდმივ ცხოვრებასა და სარეაბილიტაციო კურსის გავლას შეძლებს. ამასთან, დაავადებულ ბავშვთა მშობლებელთათვის შესაბამისი ტრენინგების ჩატარებაც იგეგმება.
საქართველოს მოქალაქეობის მქონე ბავშვებს ცენტრი უფასოდ მოემსახურება, რომლის ტერიტორიაზე ასევე თანამედროვე მოთხოვნების შესაბამისი პროტეზირების ქარხნა აშენდება.