"მოძრაობა სამართლიანი საქართველოსთვის" აჭარის რაიონული ორგანიზაციის წარმომადგენლები აცხადებენ, რომ აჭარაში, ბეშუმის და სამსმელოს უბნებში, ადგილობრივი ჩინოვნიკების მიერ ხე-ტყის მასობრივი ჩეხვა ხორციელდება.
როგორც დღეს ბათუმში გამართულ პრესკონფერენციაზე "მოძრაობა სამართლიანი საქართველოსთვის" აჭარის რაიონული ორგანიზაციის წარმომადგენელმა გია სიხარულიძემ განაცხადა, ბეშუმის გარშემო ხე-ტყე თითქმის მთლიანად განადგურდა.
"ბეშუმის და სამსმელოს უბნებში, ადგილობრივი ჩინოვნიკების მიერ, ხე-ტყის მასობრივი ჩეხვა ხორციელდება. აჭარის ხელისუფლების წარმომადგენლები ნუთუ, ვერ ამჩნევენ ისინი, რომ ბეშუმის გარშემო ხე თითქმის აღარ დარჩა? Aარადა, ამ ადგილის საკურორტო პოტენციალი და ხიბლი მხოლოდ ბუნებაზეა დამყარებული", _ განაცხადა გია სიხარულიძემ.
