თბილისის მუნიციპალიტეტის საკრებულოს თემქის მაჟორიტარმა დეპუტატმა ჯაბა სამუშიამ მის სამაჟორიტარო ოლქში მდებარე სკოლებისა და საბავშვო ბაღების აღსაზრდელებს დამდეგი შობა-ახალი წელი მიულოცა და თბილისის საკრებულოს უმრავლესობის ინციატივა გააცნო.
ჯაბა სამუშიას განცხადებით, მომავალი წლიდან საკრებულოს ყველა მაჟორიტარი დეპუტატი სკოლის მოსწავლეებს დედაქალაქის წარმომადგენლობით ორგანოში პირადად უმასპინძლებს და საკრებულოს საქმიანობისა და ისტორიული შენობის შესახებ ინფორმაცის მიაწვდის.
დღესვე დეპუტატი საახლაწლო ღონისძიებებს დაესწრო, რომლებიც 142-ე საჯარო სკოლისა და 80-ე საბავაშვო ბაღის აღსაზრდელთა მონაწილეობით გაიმართა.