“თავისუფალი დემოკრატები’’ სოციალურად დაუცველ პირებზე, დახმარების გაცემის წესის შეცვლას ითხოვენ. ხონის რაიონული ორგანიზაციის ახალმა თავმჯდომარემ, სოფიო გრძელიშვილმა ხონის მინიციპალიტეტის საკრებულოში ამ თემასთან დაკავშირებით პეტიცია შეიტანა, რაც საშუალებას მისცემს ვეტერანებს და მათთან გათანაბრებულ პირებს, ისარგებლონ ამ შემწეობით. ამიერიდან ხონში პარტიულ საქმიანობას სოფიო გრძელიშვილი გაუძღვება. მისი თქმით, ‘’თავისუფალი დემოკრატები’’ არის ის ძალა, რომელსაც აქვს კონკრეტული გეგმა გამოიყვანოს ქვეყანა მძიმე სოციალურ-ეკონომიკური კრიზისიდან. "ყველაფერს გავაკეთებ იმისთვის, რომ პარტიის ყველა გზავნილი სწორად მივიტანო ხალხთან, შევისწავლო ადგილობრივების პრობლემები და პარტიის ლიდერებთან ერთად, დავიწყოთ ზრუნვა მათი გადაჭრის გზებზე,’’– აცხადებს სოფიო გრძელიშვილი.
