ვისოლ ჯგუფმა“ 26 მაისის მოედანზე მდებარე მსოფლიოში ყველაზე დიდ „ვენდის“ამერიკულ რესტორნში, სადაც „დანკინ დონატსის“ რესტორანიცაა განთავსებული „მეტი ქართული პროდუქტის“ ინიციატივის პრეზენტაცია გამართა.
ამერიკული რესტორნების ქსელი „ვენდი“ და „დანკინ დონატსი“ იმპორტს ქართული პროდუქტებით ანაცვლებს და „სმარტთან“, „მარშესთან“, „პურის სამყაროსთან“, „მილკოსა“ და „ბადაგთან“ თანამშრომლობით ერთგულ მომხმარებელს ახლა უკვე ქართული პროდუქტებით დამზადებულ ყოველდღიურად ახალ, მაღალი ხარისხის, უგემრიელეს კერძებს სთავაზობს.
,,უნდა აღინიშნოს, რომ ახალი ინიციატივა მნიშვნელოვანი სტიმულია სოფლის მეურნეობის დარგის განვითარებისთვის. ეს არ არის უბრალოდ იმპორტირებული პროდუქციის ქართულით ჩანაცვლება და თვითუზრუნველყოფის დაკმაყოფილება, ეს არის მაღალი ხარისხის პროდუქციით თვითუზრუნველყოფა.
პროდუქციით, რომელიც აკმაყოფილებს საერთაშორისო ოპერატორების მოთხოვებს. მათი სტანდარტები საკმაოდ მაკაცრია და ის, რომ ქართული პროდუქცია აბსოლუტურ თანხვედრაშია ამ სტანდარტებთან, ნამდვილად მისასალმებელია. კარგი იქნება, თუ სარესტორნე ბიზნესის წარმომადგენლები გაიზიარებენ ამ ინიციატივას და ადგილობრივი ნაწარმით იმპორტის ჩანაცვლებას მაქსიმალურად შეუწყობენ ხელს“, - აღნიშნა სოფლის მეურნეობის მინისტრმა, ოთარ დანელიამ.
პრეზენტაციაზე ,,ვისოლ ჯგუფის“ პრეზიდენტმა, სოსო ფხაკაძემ აღნიშნა, რომ ეროვნული წარმოების წახალისება, უსაფრთხო პროდუქტები, ჯანსაღი კვების პოპულარიზაცია და საქართველოს სოფლის მეურნეობის განვითარების ხელშეწყობა „ვისოლ ჯგუფის“ სტრატეგიული მიზანია.
,,ჩვენს სუპერმარკეტებსა თუ მერიკული რესტორნების ქსელში მომხმარებელს საქართველოში წარმოებული ახალი ხორცის, რძის პროდუქტების, ნატურალური ხილისა და ბოსტნეულის ნაირსახეობას ვთავაზობთ. უკვე წლებია პროექტის „შეიძინე ქართულის“ ფარგლებში სეზონური, ნატურალური ხილისა თუ ბოსტნეულის რეალიზაციას არაკომერციულ ფასად ვახდენთ. ჩვენი ახალი ინიციატივის „მეტი ქართული პროდუქტის“ ფარგლებში კი, უკვე ამერიკული რესტორნების - „ვენდისა“ და „დანკინ დონატსის“ ქსელში იმპორტირებული პროდუქციის ქართულით ჩანაცვლებას ვიწყებთ. ეროვნული წარმოების ხელშეწყობით ,,ვისოლ ჯგუფს“ საკუთარი წვლილი შეაქვს ქართული ეკონომიკის განვითარებაში“, - განაცხადა სოსო ფხაკაძემ.
„ვენდის“ ამერიკული რესტორნების ქსელის განვითარება „ვისოლ ჯგუფმა“ 2013 წელს დაიწყო და დღეს „ვენდის“ რესტორნები თბილისში, რუსთაველის გამზირზე, ვაკეში, სამების ტაძრის გვერდით, საბურთალოზე, ცინცაძის ქუჩა #37-ში და აღმაშენებლის ხეივნის მე-13 კილომეტრზე, გორსა და წყნეთში მდებარეობს.
„დანკინ დონატსი“ ამერიკის ერთ-ერთი ყველაზე წარმატებული, ლეგენდარული ბრენდია, რომელიც უკვე თითქმის 65 წელია წარმატების ისტორიას ქმნის მთელს მსოფლიოში. „დანკინ დონატსი“ მსოფლიოს 40 ქვეყანაშია წარმოდგენილი. „დანკინ დონატსის“ რესტორნებში მომხმარებელს საშუალება აქვს დააგემოვნოს უგემრიელესი სენდვიჩების დიდი ასორტიმენტი, ფუნთუშეული, ცივი და ცხელი სასმელები, უმაღლესი ხარისხის ესპრესო, კაპუჩინო, ლატე, ჩაი და კოლატას პროდუქტები, მაფინები და კრუასანების გამოყენებით შექმნილი სხვადასხვა კერძები და მრავალფეროვანი დონატები.
