საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდისა და აზიის განვითარების ბანკის წარმომადგენლები, თბილისი - რუსთავის ავტომაგისტრალის მშენებლობასთან დაკავშირებით, რუსთავის მოსახლეობას შეხვდნენ. ფონდის თანამშრომლებმა და აზიის განვითარების ბანკის წარმომადგენლებმა ადგილობრივ მოსახლეობას პროექტის სარგებელსა და საგზაო უსაფრთხოების საკითხებზე მიაწოდეს ინფორმაცია. ასევე, ისაუბრეს თბილისი - რუსთავის ავტომაგისტრალის მნიშვნელობაზე, პერსპექტივებზე, მიზნებსა და გენდერთან დაკავშირებულ საკითხებზე . შეხვედრას ორგანიზაცია „ პარტნიორობა საგზაო უსაფრთხოებისთვის“ წევრები ესწრებოდნენ.
არნიშნული ორგანიზაციის წარმომადგენელმა ისაუბრა უსაფრთხოების ნორმების ცოდნისა და დაცვის აუცილებლობასა და მნიშვნელობაზე. მოსახლეობას დაურიგდა საგანგებოდ დამზადებული საინფორმაციო ბუკლეტები. შეხვედრა კითხვა-პასუხის რეჟიმში წარიმართა.
თბილისი -რუსთავის ავტომაგისტრალის მშენებლობის უსაფრთხოების საკითხებთან დაკავშირებით რუსთავის მოსახლეობასთან მსგავსი შეხვედრა 2015 წლის აპრილშიც გაიმართა. აღსანიშნავია, რომ,პროექტის დასრულებამდე, ფონდის და დონორი ორგანიზაციის წარმომადგენლები მოსახლეობას კვლავ შეხვდებიან.
