5 იანვრამდე ვარდების მოედანზე ტრანსპორტის მოძრაობა იკრძალება. შინაგან საქმეთა სამინისტროს ინფორმაციით, მოძრაობის შეზღუდვა საახალწლო ღონისძიებების მოსამზადებელ სამუშაოებს უკავშირდება. როგორც უწყებაში აცხადებენ, საზოგადოებრივი წესრიგის უზრუნველყოფის მიზნით, ვარდების მოედანზე ყველა სახის სატრანსპორტო საშუალების მოძრაობა შეიზღუდება. აკრძალვა ძალაში უკვე შევიდა.