საქართველოს ვიცე-პრემიერი, ენერგეტიკის მინისტრი კახა კალაძე 22 დეკემბერს 13.30 საათზე, ტექნიკური უნივერსიტეტის ენერგეტიკისა და ტელეკომუნიკაციების ფაკულტეტის სტუდენტებთან და პროფესორ მასწავლებლებთან საჯარო შეხვედრას გამართავს.
მინისტრი შეხვდება ა(ა)იპ "საქართევლოს ენერგეტიკის განვითარების ხელშეწყობის ფონდი"-ის მიერ დაფინანსებული საგრანტო პროექტების შემსრულებელ სტუდენტებს. ისაუბრებს საქართველოს ენერგოსექტორში მიმდინარე პროცესებზე, განახლებადი ენერგიის წყაროების ათვისებასა და გამოყენებაზე, საინვესტიციო პროექტების მნიშვნელობასა და მათ მიმდინარეობაზე, ქვეყნის ენერგოუსაფრთხოებაზე და მომავალში დაგეგმილ მნიშვნელოვან პროექტებზე.
კახა კალაძის ინიციატივით სტუდენტებთან საჯარო შეხვედრები მომავალშიც გაგრძელდება. სტუდენტები შეხვდებიან სხვადასხვა ენერგეტიკული კომპანიებისა და ორგანიზაციების წარმომადგენლებს. აღნიშნული შეხვედრების შედეგად სტუდენტები დეტალურად გაეცნობიან კონკრეტული ენერგეტიკული კომპანიების საქმიანობას.
