ნიუ იორკში საქართველოს გენერალურმა საკონსულომ ნიუ იორკის, ნიუ ჯერსისა და პენსილვანიის შტატში მცხოვრებ ქართულ დიასპორასთან ერთად საქველმოქმედო საღამო გამართა. ღონისძიების ფარგლებში აშშ-ში მცხოვრებმა ბავშვებმა შიდა ქართლში, საოკუპაციო ხაზთან მდებარე სოფლებში მცხოვრები თანატოლებისთვის საახალწლო საჩუქრები შეაგროვეს
საქველმოქმედო საღამოს შეუერთდნენ მსოფლიოში ცნობილი მეცო-სოპრანო ანიტა რაჭველიშვილი და მეცო-სოპრანო ნატალია ქუთათელაძე. გენერალურმა საკონსულომ 80-მდე სტუმარს უმასპინძლა. აღნიშნულ ინიციატივას შეუერთდა აშშ-ში არსებულიდიასპორული ორგანიზაციების უმრავლესობა.
ღონისძიების ფარგლებში, ქართული ენისა და ლიტერატურის პოპულარიზაციის მიზნით ამერიკაში მცხოვრებ ქართველ ბავშვებსსაჩუქრად გადაეცათ ქართული წიგნები (ქართული ანბანი, ვაჟა-ფშაველას - შვლის ნუკრის ნაამბობი და წიგნები საქართველოს დიდიმეფეების შესახებ).
ნიუ იორკში გამართულ საქველმოქმედო საღამოზე შეგროვებულ საჩუქრებს საგარეო საქმეთა სამინისტრო საოკუპაციო ხაზთან მდებარე სოფლებში მცხოვრებ ბავშვებს გადასცემს.
აღსანიშნავია, რომ საქართველოს საგარეო საქმეთა სამინისტრო პატრონაჟს უწევს ოკუპაციის ხაზთან, შიდა ქართლის სოფლებში,მცხოვრებ ბავშვებს და ხშირად მართავს მათთვის სხვადასხვა ღონისძიებას.
